නිවස ඉදිකරන්න නූල් අදිනවිට කොටුවුන භූතයින් මරණය පවා ගෙනදෙයි

2016-03-21 11:24:00       587
feature-top
නිවසක්‌ ඉදිකර ගැනීමේ මූලික අරමුණ වන්නේ මිනිස්‌ වාසයයි. මිනිස්‌ වාසය සඳහා හදාගන්නා එම නිවස සැපත, වාසනාව, සෞභාග්‍ය, දීර්ඝායුෂ ගෙනදෙන එකක්‌ විය යුතුය. ඒ සඳහා පිළිපැදිය යුතු කරුණු කාරණා රැසක්‌ වාස්‌තු විද්‍යාවේ පෙන්වා ඇත.

නිවසක්‌ ඉදිකර ගැනීමට පළමුවෙන්ම ගෙබිමක්‌ අවශ්‍යයි. එම බිම් කොටස ශුභද අශුභද යන්න දෙවනුව පස්‌ පරීක්‍ෂණ හා වෙනත් ක්‍රම අනුව බලාගත යුතුයි. එය එසේ වුවද තමා ගන්නා ඉඩම බැලීමටද යැමට ගෙබිම් බැලීමේ චක්‍රය අනුව ශුභදිනක ශුභ නැකතකින් පිටත්වීමද අවශ්‍ය බව දත යුතුයි. දැන් ඔබ මිලදී ගත් ඉඩමේ ශුභ හෝරාවකින් ගෙපල කපා පළමු කිරිකෝටුව කූංඤය ගසා ලණු ඇද මුල්ගල තබා වැඩ ආරම්භ කරයි. එහෙත් සමහර විට මේ මුල්ගල තිබ්බ දා සිට තුන්මසින්, හය මසින්, නවමසින් දොළොස්‌ මසින් වැඩ නතර වී ඇත. සමහර විට මැරෙන තුරා එය ගොඩනගාගන්නට බැරිව ඇති අවස්‌ථාවන් බොහෝ ඇත.

එයට මූලික හේතුව එම භූමියේ ඇති සැඟවුන භූමි දොaෂයන් නිසාය. අපි නිවස ඉදිකරන්නට පෙර බහිරව පූජාවක්‌ දී භූමියේ අටකොන ආරක්‍ෂා කරයි. සමහරුන් බහිරව පූජාවන් නොදී මුල්ගල තබන අයද අප අතර සිටී. ඒ කොයික වූවත් බහිරව පූජාව දීමට පෙර භූමියට අරක්‌ගත් මළගිය භූත, ප්‍රේත, සූනියන් ආදි අමනුෂ්‍ය දොaෂයන් ඇත්දැයි පරීක්‍ෂාකර බැලිය යුතුයි. එසේ බලා එම නිවසට මුල්ගල තබන්ට පෙර මියගිය ප්‍රාණකරුවන්ට අරක්‌ගත් භූත කොටස්‌වලට දාන මාන පුදා පිංදීමක්‌ අනිවාර්යයෙන්ම කළ යුතුයි. එසේ නොමැති වූවොත් බලගතු භූතයින් ලණු ඇදීමේදීත් භූමිය ආරක්‍ෂා කිරීමේදීත් ඔවුන් කොටුවී පිටට යැමට නොහැකිව වෛරයෙන් නිවස හැදීමට බාධාකිරීම් මුල්ගල තිබූ අයට රෝගාබාධ අඹුසැමි ආරවුල්, පවුලේ ධන හානිය අංශභාග ආදී ඔත්පල රෝගයන්වලට ගොදුරු වී සමහරවිට වසරින් වසර බිලි ගැනීම්ද සිදුවේ.

මෙම භූත කොටස්‌ බෞද්ධයන්ටම පමණක්‌ නොව විවිධ ආගමිකයන්ට බලපායි. බුදුසරණ ගියත් පහත් ආත්මවල සැරිසරන භූත කොටස්‌ ඔවුනට සැපවත් ආත්මයකට පිවිසීමේ දාන මාන සිදුකර පිං පමුණුවන ලෙස ඉල්ලා සිටිති. එසේම ඔවුන් ගේ ප්‍රාණ වායුව පිටවන විට ජීවත්ව සිටියදී ඔවුන් තුළ ඇති වූ ආශාව ඇල්ම ආදරය වෙනස්‌ නොවී ඒ පරිදිම පවතින බව පෙනේ. තවද මියගිය ප්‍රාණකරුගේ පෙර ආත්මයේ පැවතුන සිරිත් විරිත්ද මියගිය පසු ප්‍රේත ආත්මයේදීද අත් නොහරින බව ගුප්ත විද්‍යා පරීක්‍ෂණවලින් බොහෝ දුරට සනාථ වී ඇත.

මේ භූත ප්‍රේතයන් අවිද්‍යාමාන කල්පිත කොටසක්‌ නොවේ. අපට මෙන්ම පංචස්‌කන්දයක්‌ ඇති අය වෙත්, ඔවුන්ගේ ශරීර ගොරෝසු නොවේ. හැසිරෙන්නේ සියුම් ආත්ම මවාගෙනය. කර්ම ජඉර්දියක්‌ ඇති නිසා ඔවුන්ට එසේ කළ හැකිය. ඔවුන්ගේ සිරුර සියුම් නිසා විටෙක අපට ඇසට නොපෙනුනත් සමහර අයට භූතයින් දකින්ට ලැබේ. කුඩා දරුවන්ට හොඳින් පෙනේ. සමහර විටෙක අපි දොර ඇරගෙන එළියට එන විට කවුරුන්දො හිටගෙන ඉන්නවායයි කියා කෑ ගසති. බියවෙයි. සිහිමුර්ජා වෙයි. ළඟට ගොස්‌ සෝදිසි කොට බැලුවහොත් අඩිපාරක්‌ හෝ දැනගැනීමට කිසිම සලකුණක්‌ නොතිබේ. ඊට හේතුව භූත ප්‍රේතයින් ආලෝකයේ ඉන්නට කැමැති නෑ. ඔවුන් අඳුරු, අපිරිසිදු තැන්වලට ගොස්‌ හෙමින් හෙමින් සැඟවී සිටී.

තිරෝකුඩ්ඩ සූත්‍රයේ, සඳහන් පරිදි භූතකොටස්‌ සිටින බව අපට පිළිගත හැක. එමෙන්ම මිලින්ද ප්‍රශ්නයෙන්ද එය හොඳින් අපට සනාථ වේ. එය මෙසේ දක්‌වමු.

මිළිඳු රජු - ස්‌වාමීනී මේ ලෝකයේ යකුන් ප්‍රේතයින්, භූතයන් ඇත්තටම සිටිනවාද?

නාගසේන හාමුදුරුවෝ - මහ රජ ඔව්, ඔවුන් මේ ලෝකේ සිටින ජීවමාන සත්ව කොට්‌ඨාසයක්‌

මි. රජු - එහෙනම් ඇයි ස්‌වාමීනි ඔවුන් අපට නොපෙනෙන්නේ.

නා.හාමුදු- මහරජ ඔවුන්ට අපට වගේ ඕලාරික තද ගොරෝසු රූපස්‌කන්ධයක්‌ නැත. ඡායාව වැනි රූපස්‌කන්දයක්‌ පමණයි ඔවුන්ට ඇත්තේ. සමහර අවස්‌ථාවලදී ඔවුන් විවිධාකාර තද ගොරෝසු රූප මවාගන්නේ නැතුවා නොවේ.

මි. රජු - යකුන් භූතයින් මැරෙන කොටසක්‌ද?

නා. හාමුදු. මහ රජ යකුන්ද සංස්‌කාර කොටසක්‌ නිසා ඒ අයත් විනාශ වෙනවා. මැරෙනවා

මි. රජු - හොඳයි ස්‌වාමීනී උන් මැරුණාට පසු ඔවුන්ගේ මළ මිනී අපට දකින්ට නැත්තේ ඇයි

නා. හාමුදු. - මොකද නැත්තේ මහරජ ඕනතරම් තියෙනවා.

මි. රජු - අනේ ස්‌වාමීනී මම නම් මැරැණු යකෙක්‌වත් ප්‍රේත භූතයෙකුත් කවරදාකවත් දැකල නෑ....

නා. හාමුදු. - යකුන් භූතයින් මැරුණාට ඔවුන්ගේ මළකඳන් අසාමාන්‍ය ආකාරයටයි මිනිසුන්ට පෙනෙන්නේ.

මි රජු - ඒ කෙසේද ස්‌වාමීනී

නා( හාමුදු. - මැරුණු කටුස්‌සකු, සර්පයකු, කුරුමිනියකු පළඟැටියකු වැනි මළ සතකුගේ ආකාරයටයි. චුත වූ යක්‍ෂ පේa්‍රතයන්ගේ මළ සිරුරු පෙනෙන්නේ නියමාකාර යක්‍ෂ ප්‍රේත නූනාට එවැනි ආකාරයෙන් ඕනතරම් මළ සිරුරු අපට ඕන තරම් දැක්‌මට තිබෙනවා යයි කියා නාගසේන හාමුදුරුවෝ මිලිඳු රජුට පිළිතුරුදී ඇත. එම සංවාදයෙන් භූතයින් සිටින බව පෙන්වා ඇත.

මෙම භූතයින් වැඩි වශයෙන් ගැවසෙන්නේ පාළු ගෙවල්වල, සොහොන් පිටිවල, තුංමන්සල රදාතොට ඉඳුල් දමන තැන, ලිඳලඟ, අගුවෙ, ලිප ලඟ අහු මුලුවල, මැසි ඇඳ යට, අගුකොනේය. එමෙන්ම මේ ප්‍රේත භූතයන් යහනේ සැතපෙන කොට ලංවී සීනෙන් ඇඟ අතගෑමද කරති. අට අනුවත් රෝගද කරති. සංවාසයේද යෙදෙති.

මෙම ප්‍රේත භූත අමනුෂ්‍යයන්ගෙන් ආරණ්‍ය සේනාසනවල හුදකලාව වැඩසිටිමින් භාවනා යෝගීව ගතකළ භික්‍ෂූන්ට සිදුවුනාවුද ඉදිරියේදී සිදුවන්නට තිබෙන්නාවූද උවදුරු ගැන දැනගත් අප ලොව්තුරා බුදුරජාණන් වහන්සේ එයින් වැළකීමට විශේෂ බල පිහිටුවා වදාළ කරණීයමෙත්ත හා ආටානාටිය සූත්‍ර වැනි පිරිත් දේශනා කළේ සිව්වනක්‌ භික්‍ෂු භික්‍ෂූණී උපාසක උපාසකාදී පිරිසගේ ආරක්‍ෂාව සඳහාය.

ක්‍රි.පූ. 2000 කට පමණ පෙර පුරාණාවේද සාහිත්‍යයේ හතරවැනි වේදය අථව_ වේදයයි. යක්‍ෂ භූත කොටස්‌වල බලය මට්‌ටු කර ඔවුන් කීකරු කරවා ගැනීමට හැකි බලසම්පන්න යන්ත්‍ර මන්ත්‍ර ක්‍රම හා බමුණනන්ගේ බලපෑමකින් තොරව නිදහස්‌ චින්තනයෙන් ඇදහූ ජන ඇදහිලි මෙන්ම මානව විද්‍යාවන් හා ආගම් පිළිබඳ ඉතිහාසයත් භූතයන් හා භූත වෛද්‍ය විද්‍යාවන් එළිපෙහෙළි වන ඉපැරැණි සංස්‌කෘත මහා ග්‍රන්ථයේද භූතයන් ගැන බොහොමයක්‌ තොරතුරු අපට පෙන්වා ඇත.

මෙම භූත ප්‍රේත අමනුෂ්‍යයන් ඔබ නොදැනුවත්ව සමහර විටෙක ඔබේ නිවස ඉදිකිරීමේ ආරම්භක කුංඤ්යේ, ලණු ඇදීමේ මුල්ගල තැබීමේදී යන විවිධ අවස්‌ථාවලදී කොටුවී සිටින්නට පුළුවන්. ඔවුන්ගෙන් ඔබට නොදැනුවත්ම හිරිහැර කරදර අතුරු අන්තරා ධනහානිය, ඔත්පල රෝග පවුලේ අකල් මරණ සිදුවෙන බව ඔබ නොදනී. මේවායින් මිදෙන්නට කියා කොඩිවින හුනියම් ආදිය ඇතියයි හිතා කොතරම් දෙහි පුහුල් අල කැපුවත් ඒවා ගඟට ඉනි කපන්නාක්‌ මෙන් පලක්‌ නැතිබව කිව යුතුයි.

එනිසා ඔබේ භූමියේ සියලුම භූත යක්‍ෂ, ප්‍රේත, අමනුෂ්‍යයන් සිටීදැයි සැකයක්‌ ඇතිනම් හෝ නිවස හදන්නට පෙර නොහැකිවුනිනම් සැකෙන් බියෙන් තොරව මෙම මහාබලගතු ඇදුරන් පිටනොදෙන යක්‍ෂ, භූත, ප්‍රේත ආදී අමනුෂ්‍ය අවතාරවලටද, සූනියන් කොඩිවිනවලට බන්ධන කළ භූත කොටස්‌ බන්ධන පුපුරා භූමිතලයම ඉඩහැර පසු නොබලා දුවයි. සියලුම භූත දොaෂ භංග වේ. එම රහසිගත මහා වෙසමුනි ගිනි සැරය මෙන්න.

මෙම බෙහෙත් වර්ග පළමුව සොයාගෙන එකට වේලා කලවං කර මේ මන්ත්‍රයෙන් 321 වරක්‌ ජපකර සිඳුවාගත් තෙල රාත්‍රියේ 08 ට පෙර දින 21 ක්‌ නොකඩවා දල්වන්ට.

ඉරිවේරිය, පැඟිරි 5 වර්ගය, මනෝසීල, කංසා, යක්‌ බේරිය, කළුඅත්තන, තුංබෝ අත්තන, ගොඩමානෙල් අල, වියළි ඉඟුරු එනසාල්, ගල්බෝ, අලිබෙටි, හීනටි වී, දේවදාර, අගිල්, අමු කපුරු, පුෂ්කර, උන කපුරු සුවඳ කොට්‌ටන් දුම්මල තෙල්, පරවිබෙටි, කම්මල් වතුරෙන් අඹරා පස්‌ලෝ කුඩු දමා තැඹිලි, නවසි, කුන්දිරා, ගොන්තැඹිලි, රන්තැඹිලි තෙලින් සිදුවා තෙල් රැගෙන පහන් දල්වන්න.

සිඳුවා ඉතිරි ඖෂධ දින 3 ක්‌ ස්‌ථානයේ උදේට දුම් අල්ලන්ට.

මංත්‍රය - තෙර්ලාලාසි කාඩි කෞමාල මායා තැංඹිලි පංනංවකාලී මුගාලී මහලී වෛයිරොගංඬලී ත්‍රී කාල මහලී ඊහස්‌සා තේප ඉත්තාන ත්‍රී කාල මහලී ත්‍රී කුංච ලී ජලිකාලී පක්‍ෂකාලී ගුරුකාල මහලී යන මේ මඩිලං හතට අරක්‌ ගත්තාවූ දේවතාවෝ මා රක්‍ෂාකරන මාගේ ගේ වට මා වට මාගේ වත්තට මාගේ ස්‌ත්‍රී වට පුත්‍රයන්වට මාගේ පට්‌ටිය ගවයින්ටත් සිද්ධ සීමා බුදුරැස්‌ වළල්ලේ බුද්ධ සීමා බන්ද බන්ද යේස්‌වා(

මෙයින් ඇත්දලකුඩු පස්‌ලෝ ඇත් රූප සමඟ ඉහත සිඳුවාගත් තෙල් කුප්පි හතරට දමා නිවාස තුළ ඇතුළේ හතර කොන එල්ලන්න. දිගුකල් ආරක්‍ෂාවයි. සත්තයි.



Wmqgd .ekSu uu mqj;am; weiqfrks

More News »