නිවස ඇතුළට හැරී ආහාර පිසීම අසුබයි

2017-10-20 10:46:00       248
feature-top
සෑම දෙයක්‌ම සිදු කළ යුතු නිසි පිළිවෙලක්‌ පවතිනවා. අප විසින් නිවැරදි දෙයක්‌ කළ ද නිසි පිළිවෙලට සිදු නොකළහොත් එයින් අපට ලබා ගැනීමට බලාපොරොත්තු වන ප්‍රතිඵලය ලබා ගැනීමට නොහැකි වෙනවා. කුඩා කාලයේ සිටම අප දරුවන්ට මාර්ගයේ දකුණු පැත්තෙන් යැමට පුරුදු කරන්නේ මාර්ගයේ පයින් ගමන් කිරීමේ නිසි පිළිවෙල එය බව දන්නා බැවිනි. වම් පැත්තෙන් ගමන් කිරීමේදී අප විසින් ගමනාන්තය දක්‌වා ළඟා වූවද එහිදී අප ලක්‌වන අවදානම සුලු පටු නොවේ. මේ ආකාරයෙන්ම ගෘහ කර්ම වාස්‌තු ශිල්පයේදී ගෘහ කටයුතු සිදු කළ යුතු පිළිවෙල පුරාණ සෘෂිවරුන් විසින් ලෝකයටම කියා දුන්නේ අප සැමගේ ලෞකික ජීවිතය උපරිමය තුළින් අධ්‍යාත්මික ජීවිතයට ප්‍රවේශ කිරීම සඳහාය. මෙම ලිපියෙන් ඔබට කියා දීමට අදහස්‌ කරන්නේ අපගේ ගෘහයේ ප්‍රධානතම ගෘහ අංගයක්‌ වන මුලුතැන්ගෙයි ප්‍රධාන ස්‌ථාන නිසි ලෙස පරිහරණය කිරීම කළ යුත්තේ කෙසේද යන්න පිළිබඳවයි.

ගෘහයක ගිණිකොන දිශාවේ හෝ වයඹ දිශාවේ නිසි ලෙස පිහිටුවනු ලබන මුලුතැන්ගෙය නිවසේ ශ්‍රියා කාන්තාව කැඳවනු ලබන ගෘහ අංගයකි. මෙය නිරිත දිශාවේ හෝ ඊසාන දිශාවේ යෙදීමෙන් ශ්‍රියා කාන්තාව පලවා හැරීමට සමත් වෙයි. මෙම දිශා හැර වෙනත් දිශාවල පිහිටි නම් මිශ්‍ර ඵල සහිතයි. එහි ප්‍රධානතම පරිහරණ කලාපය වන පෝරණුව නැත්නම් උදුන නිසි ලෙස ස්‌ථානගතවී තිබීම අනිවාර්ය අංගයක්‌. මුලුතැන්ගෙය නිසි දිශාවේ තිබුණද උඳුන නිවැරදිව නොතිබුණි නම් එය අක්‍රීය වන බව මතක තබා ගත යුතුයි.

ලිප නැත්නම් උඳුන පිහිටු වීම

නිවසක දිවි ගුණය පවතින්නේ තේජෝ ධාතුවේ සක්‍රීය වීම තුළයි. ගෘහයේ තේජෝ ධාතුව බල ගැන්වෙන්නේ නිවසේ ලිප මගිනි. මෙම ලිප නැත්නම් උඳුන නිසි දිශාවේ නිසි පිළිවෙලට තිබිය යුතු වෙනවා. ඔබගේ ලිප පිහිටුවිය යුත්තේ පහත සඳහන් ආකාරයට බව මතක තබා යුතු වෙනවා.

1. ඔබගේ මුලුතැන්ගෙය ගිsණිකොන දිශාවේ නම් ආහාර පිසීම නැගෙනහිර දිශාව බලා සිදුකරන්න.

2. ඔබගේ මුලුතැන්ගෙය වයඹ දිශාවේ නම් ආහාර පිසීම උතුර දිශාව බලා සිදුකිරීම ඉතා යහපත් වේ.

3. අනෙක්‌ දිශාවල මුලුතැන්ගෙය පිහිටා තිබේ නම් සැම විටම උතුරු දිශාව හෝ නැගෙනහිර දිශාව බලා කෑම පිසිය හැකි ආකාරයට උඳුන පිහිටුවා ගැනීම යහපත් වේ.

කිසිම විටක ඔබගේ උඳුන නිවස ඇතුළට කෑම පිසින ලෙස සකස්‌ කිරීම නොකළ යුතු බව පෙන්වා දෙනවා. මෙම ඉතාමත් අයහපත් තත්වයක්‌ වන අතර මෙහි භයානක අතුරු ප්‍රතිඵල රාශියක්‌ ඇතිවෙන බව පෙන්වා දී තිබෙනවා.

 *  නිවසේ සමඟිය පලායැම

 *  දුගීවීම, ධනය පිරි§හීම

 *  දරුවන් අකීකරුවීම

 *  මානසික අසහනය සහ කායික දුබලතා මතුවීම

ඔබ සෑම විටම නිවසින් පිටතට ගිනි සැර වදින ලෙස කෑම පිසීමේ උඳුන සකස්‌කර ගැනීමට වගබලා ගත යුතුයි.

උඳුන මෙන්ම මුලුතැන්ගෙයි අනෙක්‌ උපකරණ ද නිසි ලෙස තැබීම ඔබගේ සියලු වැඩ පහසු කිරීමට ඉවහල් වේ. ඔබගේ සින්ක්‌ එක හා උඳුන අතර පරතරයක්‌ තබා ගැනීමට වගබලා ගත යුතුයි. එම ප්‍රමාණය වඩු රියනකට මදක්‌ වැඩි වීම ප්‍රමාණවත් වන අතර වඩු රියනක්‌ යනු අගල් 31 කි.

ඔබගේ නිවසේ මිරිස්‌ ගලක්‌ භාවිතා කරයි නම් එය සෑම විටම තැබිය යුතු පිළිවෙල අනුගමනය කිරීම කළ යුතුයි.

1. මිරිස්‌ ගල නිවස ඇතුළට ඇත්නම් නිවසින් පිටතට ඇඹරීම කළ හැකි ලෙස එය තැබිය යුතු වේ.

2. මිරිස්‌ ගල නිවසින් පිටත තිබේ නම් නිවස තුළට ඇඹරෙන ලෙස තැබීම කළ යුතු වේ.

මෙලෙසින්ම ඔබට මුහුණ පෑමට සිදුවන ජනප්‍රිය වාස්‌තු ගැටලුවක්‌ පිළිබඳව ඔබව දැනුවත් කරන්නම්. පෝරණුව උඩ වතුර ටැංකිය තැබීම වාස්‌තු දෝෂයක්‌ද යන්න පිළිබඳව බොහෝ දෙනෙකුට ගැටලූවක්‌ වී තිබේ. ඔබගේ පෝරණුව මත ජල ටැංකිය තැබීම වාස්‌තු දෝෂයක්‌ නොමැති බව පෙන්වා දෙමි. එසේ වුවද පෝරණුව මත ජල ටැංකිය තැබීමෙන් ජලය නිතර උණුහුම් වන බව මතක තබා ගත යුතුයි. ඔබගේ ජල ටැංකිය පෝරණුව මත තබා ඇත්නම් ඔබ කලබල නොවිය යුතු අතර එය රත් නොවන ලෙස මදක්‌ ඉහළින් පිහිටුවීම නිවැරදි බව පෙන්වා දෙමි.

ඔබගේ මුළුතැන්ගෙය නිවසේ මූල්‍ය මර්මස්‌ථානය බැවින් සෑම විටම මුළුතැන්ගෙය නිවස ඇතුළත පිහිටුවා ගැනීම ඉතාමත් යහපත් බව පෙන්වා දෙන අතර සමහර නිවාසවල මුළුතැන්ගෙය නිවසින් පිටත පිහිටුවා තිබීම ඉතා අයහපත් බව කිව යුතුයි. එසේම ඔබගේ නිවස තුළ තිබෙන මුළුතැන්ගෙය කිසිම විටක දොරක්‌ දමා වසා දැමීම සිදු නොකළ යුතු බව පෙන්වා දෙමි.

ඔබගේ මුළුතැන්ගෙයි අප ජලය නිසි දිශාවට හැරවීම පිළිබඳව ඔබ මනා ලෙස දැනුවත්විය යුතුයි. ඔබගේ මුළුතැන්ගෙය වයඹ දිශාවේ නම් අප ජල බැස්‌ම බස්‌නාහිර දිශාවට විය යුතුයි. ඔබගේ මුළුතැන්ගෙය ගිණිකොන දිශාවේ නම් අප ජල බැස්‌ම දකුණු දිශාවට විය යුතුයි. කුමන දිශාවේ මුළුතැන්ගෙය තිබුණද අපවිත්‍ර ජලය බැසීම ඊශාන නිරිත දිශාවට හැරවීම කිසිම විටක සිදු නොකළ යුතුයි. කිසිම විටක අප ජල ටැංකි හෝ වැසිකිලි වලවල් මුළුතැන්ගෙය අභ්‍යන්තරයේ පිහිටුවීම නොකළ යුතුයි. කිසිම විටම ඔබගේ මුළුතැන්ගෙයින් එළියට පිටවීම සඳහා ද්වාරයන් දෙකක්‌ නොයෙදීමට වගබලා ගත යුතු අතර සෑම විටම මුළුතැන්ගෙයක ජ්‍යාමිතික හැඩතලය සෘජුකෝණාස්‍රව තිබීම ඉතා යහපත් වේ. සෑම කටයුත්තකම පවතින සෘජු බව සහ පිළිවෙල තුළින් සෑම විටම අත්වන්නේ යහපතකි. එසේම අපිළිවෙල තුළින් සිදු වන්නේ විනාශයක්‌ මෙන්ම අයහපතක්‌ ඔබගේ නිවසේ ප්‍රධානතම ගෘහ අංග ඔබ වෙත සමීප කරවීමට ගත් උත්සහය තුළින් සියලු හිමි කාන්තාවන්ට ඇතිවන පහසුව සහ යහපත වාස්‌තු ශිල්පයේ _වි බව රහස ඔබ වෙත ලබාදීම මාගේ ඒකායන අභිප්‍රාය වේ.

උපුටා ගැනීම : sithmalyaya.com ඇසුරිනි.


More News »