පෘථිවියට දර්ශනය නොවන පැත්තට අභ්‍යවකාශ යානයක් යැවීමට චීනය සමත් වෙයි

2019-01-05 11:59:00       645
feature-top
සඳේ පෘථිවියට දර්ශනය නොවන ප්‍රදේශයට අභ්‍යවකාශ යානයක් සාර්ථකව ගොඩබැස්වීමට චීනය සමත් වි ඇත.

මෙය එම ප්‍රදේශයට යානයක් ගොඩබැස්වූ ප්‍රථම අවස්ථාව වන අතර එමගින් සඳේ ජෛවවිද්‍යාත්මක හා භූ විද්‍යාත්මක පර්යේෂණයන් රැසක් සිදුකිරීමට නියමිතව ඇත.

චැන්ජි - 4 ලෙස නම් කර ඇති යානය සඳේ දක්ෂිණ ධ්‍රැවයේ පිහිටි එයිට්කන් ද්‍රෝණියට පතිත කර ඇති අතර චීන මාධ්‍ය පවසන්නේ මෙය අභ්‍යවකාශ ගවේෂණයේ දැවැන්ත පියවරක් වනු ඇති බවයි.

මිට පෙර සඳමත සියලු මෙහෙයුම් සිදු කර ඇත්තේ පෘථිවියට මුහුණලා ඇති පැත්තේ වන අතර අනෙක් පැත්තට යානයක් පතිත කරවීම අවදානම් සහ දුෂ්කර ක්‍රියාවලියක් බව පැවසේ.

යානය විසින් ගනු ලැබූ ප්‍රථම ඡායාරූප කිහිපය මේ වනවිට ලැබී ඇති බව චීන අභ්‍යවකාශ කාර්යාංශය වාර්තා කරයි.

චැන්ජි - 3 නමින් 2013 වර්ෂයේදී ද චීනය විසින් සඳ මතට යානයක් ගොඩබස්වා ඇත.

උපුටා ගැනීම මව්බිම පුවත්පත ඇසුරෙනි

More News »